俄羅斯狂熱 - St Petersburg (聖彼得堡) I

從Vladimir坐卧舖火車去St Petersburg，三等艙票價大約HKD 370，都要坐成 10個鐘架，中途會向moscow停一停，然後直去St Petersburg總站。今年夏天俄羅斯真係好熱，加上四圍都冇冷氣，晚晚都瞓得唔好，火車有冷氣雖然噪D不過反而瞓得著，我地已經預早十幾日前上網買飛，發覺下格舖好快就賣晒，結果我地一行六人，一字排放全部瞓番上格，原來向到坐卧舖車都有規矩既，就係架車未熄燈前都要招呼上格乘客一齊坐你張下格位，當然如果你好攰既話，禮貌D同人講要開床瞓，人地都識做既。同埋瞓三等艙既乘客，落車前要自己卷番好D床單被舖，原來世上唔止日本人先識得自律，淨得我地幾個懶鬼覺得好出奇，好似全世界淨係我地中國人先咁冇家教咁囉！真係要好好反醒下先得喇，都係怪媽媽平日照顧得太好，飯來張口衣來申手啦！唔好話而家既港童三低，70後baby boom年代出生既大大朋友們亦如是。試問佢地教出泥既下一代又有乜可能唔變三低呢！？落左火車第一時去hostel check-in，我地間hostel 位置超好，向正The Admiralty 對面，出左火車站轉地鐵一個站就到，不過相比起莫斯科哩到既地鐵係就係簡單好多，之但係感覺比較混亂，從入閘位到月台都擠滿搭客，你推我撞旅客們緊記小心財物，好在向聖彼德堡玩，好少可搭地鐵行路或者坐巴士已經搞掂。(下面哩個站Gostiny Dvor 好搞笑，密封晒好似搭笠咁囉！)

Church of the Saviour on Spilled Blood (Храм Спаса на Крови)

背脊都好靚

St Petersburg 地標靚到不得了，聽講係參照Moscow既聖巴素大教堂而建，果然青出於藍，裡面既裝飾一律用馬賽克，色彩仍然鮮豔耀目，令人讚嘆！

12門徒

原來東正教堂唔係間間都似洋蔥頭架囉，計我話哩間叫做菠蘿頭教堂更為貼切！你話頭頂個幾個波係咪好似菠蘿先！起釘架！

Our Lady of Kazan Cathedral (Каза́нский кафедра́льный собо́р)

位於人來人往既Nevsky Prospekt 大街，非常宏偉，好似係免費入場架，內裡既裝修好歐洲式，樓底又高室內空礦，雕像金碧輝煌。

溫馨提示：揹背包既旅客們行街真係要打醒十二分精神，話說一到步拖住喼揹住背包既我，就已經被人連開幾次背包，好彩我d財物放既位置夠密實，幸保不失咋！選背包一定要捒D多拉鏈既，D賊人就冇咁易一眼睇穿你個袋啦，又或者加番個rain cover，都有幫助。

Nevsky Prospekt 大街上仲有兩百幾年歷史既大型百貨公司Gostiny Dvor ，需有地利但冇好好運用，而家只輪為裕華之流，並冇觀賞價值。

對面街哩間古著書店，人氣反而更盛，門口仲有兩名實Kill添。俄羅斯人有文化！

改做百貨公司仲好啦！

Monument to Catherine the Great

Catherine 皇后向沙皇統治時代可謂前無古人後無來者，成個俄羅斯不時都會發現佢同彼德大帝既雕像囉。

St. Peter The Great monument 拿拿拿，話口未完又出現喇！

上一篇：俄羅斯狂熱 - 金環古城 Suzdal

下一篇：俄羅斯狂熱 - St Petersburg (聖彼得堡) II

俄羅斯狂熱 - 金環古城 Suzdal

 去Suzdal (Суздаль)旅客通常會選道從Vladimir坐巴士，車程約一個鐘左右，車費大約50 rouble/人，巴士好易搵正正火車站對面，班次都算幾密，平均每40分鐘一班，先買飛後上車，車票上係有座位編號，各人必須對號入座，架車只得20個坐左右，全部都係熱狗巴。坐在差唔多一個鐘頭，沿路仲好偏僻，但係見開始有人上落，再坐多陣就到一個似車站既地方，隔離位知我地要去Suzdal，就示意我地每人要俾多10 rouble，原來我地已泥到suzdal 車站，如果唔想行入城(起碼40分鐘步程)，就可以原車坐到去市中心既，只需補多10 rouble就可以，我地哩D咁既香港遊客，梗係行少一步得一步啦，10蚊 rouble速磅！

果然係市中心，終於見到有屋有馬路有人喇，落左車先行去市集，團友話有D似粉嶺聯和墟喎，除左有店舖外仲有D好多街邊檔添，好多婆婆擺檔賣青瓜草梅，草梅超迷你，真係細過粒花生！

之前上網對哩到冇乜好詳細資料，所以首先買張地圖睇下先，再按建議旅客路線圖逐個景點行，比起Vladimir哩到景點多好多，民風亦純樸好多，真係好鄉村Feel呀！最有趣既哩到既洋蔥頭教堂顏色特別多：藍、青、黑、金、銀，非常有特色！基本上泥Suazal 參觀，全程只可靠一雙腳，最好預番大半日至一日時間，不停咁行，都咪話唔辛苦，好彩大部份既景色都幾靚，秋高氣爽既日子慢慢行，都可以接受，今日35c就當然好難受啦！

The Kremlin * Suzdal一樣有個姆雷宮，規模同莫斯科比當然蚊脾同牛脾啦！

Pokrovsky monastery

Rizpolozhensky monastery

St Alexander monastery

Church of Our Lady of Smolensk

Spaso-Evfimiev Monastery

上一篇：俄羅斯狂熱 - 金環古城 Vladimir
下一篇：俄羅斯狂熱 - St Petersburg (聖彼得堡) I

俄羅斯狂熱 - 金環古城 Vladimir

泥俄羅斯旅行除左莫斯科同聖彼德堡外，周邊仲有d幾特色既古鎮好值得參觀，今日正式離開莫斯科坐3個鐘火車去另一金環古城 Vladimir (Владимир)。泥哩到玩既通常會兼去埋另一個叫 Suzdal 既古城，兩城間有巴士互通車程大約一個鐘鬆D，之前睇過好多網友都會選擇入住Suzdal，估計係因為住宿問題掛，事關從 hostel.com 搜尋只有Suzdal 先搵到有間叫 Godzillas 既hostel，聽講仲要好偏僻，對我泥講方便比便宜更為重要，所以決定搵番向Vladimir 既酒店，不過選擇並唔多，只有3-4間價錢的確比hostel 貴好幾倍，好彩最後都俾我發現左間超平既 Zarya hotel，價錢同住 hostel 一樣咁平之餘，最正係幾點check-in，就幾點check-out，咁明晚坐卧舖車前可以向酒店沖左涼先出發啦！Fit 晒！

火車站

Zarya hotel

抵達Vladimir 都差唔多10點，check完in都仲未日落西山，仲有少少時間出去影下相，不過個人覺得哩個小城唔係太吸引，景點普普通通冇乜特色啦囉！

旅客觀光路線圖

Assumption Cathedral

Golden Gate

上一篇：俄羅斯狂熱 - 金環古城 Posad Sergiyev
下一篇：俄羅斯狂熱 - 金環古城 Suzdal

俄羅斯狂熱 - 金環古城 Posad Sergiyev

莫斯科既行程其實都行得差唔喇，剩番落泥既甚麼經濟成就展覽館莫斯科興趣不大。今日我地就選擇左去位於離莫斯科約個半小時火車程既金環小城 Sergiyev Posad (Сергиев Посад)，火車班次好密，大約每45分鐘一班車，車站係Yaroslavlsky Station。 哩個小填景點非常集中，唯一目的地就係離火車站約40分鐘步程既教堂景區 Trinity Lavra of St. Sergius，適逢當日係星期日教堂區特別熱鬧，好多善信扶老攜幼一齊泥做彌撒，女仕們一律帶上頭巾，名顯地哩到民風比莫斯科純樸好多，衣著打扮都好撲實，感覺特別寧靜和諧。

教堂城內仲有口聖泉，天然泉水自然流出，人人都爭住要，更有人自備水樽實行有咁多裝咁多，我地幾個醒目既團友自然亦唔執輸啦。果然泉水清甜，天時暑熱實在涼透心！

俄羅斯娃娃實在可愛，配上金色既頭髮可愛既笑臉，Kawaii呢！

東正教既修仕一年到晚都係全身黑衣人打扮，適逢今年夏天日日3-40度，仲要著成咁實在難耐！

教堂區外既小山丘有好多紀念品攤檔，俄羅斯毛毛帽真係好正，可惜今日35度烈日當空，真係見到都流汗呀！

經常會見到當地俄羅斯老婆婆會出售人手做既紗披肩，手工的確很好。

上一篇：俄羅斯狂熱 - Moscow Metro

下一篇：俄羅斯狂熱 - 金環古城 Vladimir