2009年1月31日星期六

越浦越開心 - 柬飲擇食

向暹粒幾日既基本上係冇啖好食既,雖然market一帶開左好多裝修一流既餐廳,但係味道都係唔掂。價錢方面都唔算十分貴,早餐至晚餐大約USD 3 - 6不等,哩到叫做好D既就只有果汁Shake,係用鮮果汁加豆奶做既,咪諗佢地用乜野冰整喇,反正咁多人飲過都唔死得就試下啦!USD 1 - 1.5/ 杯

Red Piano個個blogger泥過吳哥都會提下既一間餐廳酒吧,當然都要泥揪下熱鬧啦!哩個三蚊美金既早餐都幾嘆呀!


景區內的Angkor Cafe 係Blue Pumpkin集團經營,係就係好有西方Style,
但係味道一般價錢亦較貴!


Blue Pumpkin 雪糕一流,好多口味都係自創既!確實係消暑既妙品!妙品!USD 1.5/ scoop

唔知點解吳哥都興食火鍋同燒烤既,亦或係專登作出泥吸引遊客既啅頭泥呢!?味道完全唔掂!哩餐埋單每位USD 8架!


Angkor Beer向唯到都幾出名,不過聽講味道就麻麻!

柬埔寨有道菜叫Amok,其實即係咖哩不過勁重椰奶味,配料可以揀魚、海鮮、雞都有,味道唔錯!值得一試!

暹粒近年旅遊業蓬勃,起左好多靚酒店,有幸去左Le Meridian 既Angkor Royal Cafe 食左個靚晏,USD 18/ 3 courses味道唔多掂,勝在環境一流,感覺好Relax!

坐長途巴沿途會停站俾方便大家下,亦有好多小販出泥叫賣,特別係搵班小朋友賣水果,除左水果仲有當地特色美食炸黑蜘蛛,炸蝗虫,見到都驚!哩個唔係心口針!係真蜘蛛泥架!




2009年1月30日星期五

越浦越開心 - 柬浦寨 吳哥窟 Angkor Wat III

第三日我地唔使睇日出,先向Red Piano嘆番個精美既早晨全餐,再去Banteay Srei 女王宮,女王宮係用紅紅地色既石建成,都幾特別,但係樓底就比較矮,同埋好多地方都唔開放。





睇完女皇宮我地又坐左成個鐘車去Kbal Spean 高布斯濱,哩個景點又係要行段山路,大約半粒鐘啦,三十幾度中午烈日當空都咪話唔辛苦,上面淨係得個水底浮雕睇架咋。

最後一日大家仍然唔擺休,返酒店休息完又趕番入吳哥城話要去Pre rup 變身塔睇日落,基本上同第一晚向巴肯山上睇既感覺差唔幾。


2009年1月29日星期四

越浦越開心 - 柬浦寨 吳哥窟 Angkor Wat II

第二日行小吳哥線,日出當然係向吳哥寺Angkor Wat啦,又係晨咁早就出發,入到景點已經有成村人到左喇,好唔容易向荷花池邊搵到個影相位,哩個景係吳哥窟最正既地標,好多postcard都用佢架,唔怪得咁多人啦!今日行程唔多,因為尋日一役,差D中暑,太陽未出就見暈,又呵又嘔,睇完日出返左酒店瞓番覺,食個靚晏先再出動,結果今日全日時間都奉獻左俾吳哥寺!


突然走左隻馬出泥,加上日出景致,感覺好夢幻!


下面兩位仙女心口勁反光,皆因D導遊同D旅客講,摸左會帶泥好運喎!好明顯係呃遊客架啦!



上一篇:越浦越開心 - 柬浦寨 吳哥窟 Angkor Wat I
下一篇:越浦越開心 - 柬浦寨 吳哥窟 Angkor Wat III

2009年1月28日星期三

越浦越開心 - 柬浦寨 吳哥窟 Angkor Wat I

從金邊過暹粒好簡單,向旅館就可以代買車飛~USD 9/ 位,春節期間貴少少啦我地要USD 11,唔坐車又可以坐船沿洞里薩河一直上,都係一樣要坐足5粒鐘,如果揀坐下午班船既話,仲可以順便睇埋洞里薩湖既日落添,不過船票較貴~USD 19所以都係坐番大巴算啦。大巴都算幾舒服仲有電影睇,泰文MV聽添!一上車就有野派礦泉水、麵包、濕紙巾,都算招呼周到!去到暹粒已經成6pm,旅館派車過泥接我地過去,係正市中心間間房都有獨立浴室冷熱水,冷氣開放,每晚房費都係USD 7/位咋!都算係咁喇掛!
向暹粒既活動範圍其實好細,除左市中心就係吳哥窟景區,向哩到我地實際活動只有三日,事關要睇日出,朝朝05 通告,每日除左睇日出就係睇日落,日日向唔同景點欣賞日出日落,都咪話唔辛苦,我地哩團仲要冇中場休息,晚晚踩到7pm等景區拉閘放狗先肯走人囉!真係人都癲!好彩我地哩3日包左個大Van,當然你可以揀坐Tuk Tuk車啦,但係無遮無擋食塵咩!
吳哥窟景區每日5am開放,入場前買票,全電子化一日票USD 20、三日票USD 40,即時幫你影張靚相key入張飛到,逐個景點查飛,想偷雞都好難!遊吳哥主要分兩條大路線,大吳哥(Grand Tour) 小吳哥(Mini Tour) 。
第一日我地揀左先遊大吳哥線,日出地點就係皇家浴池Srah Srang 。一 / 二月份天氣特別好,所以日出日落都特別清晰。


通往大吳哥城既大道兩排刻有神像,咪以為佢地玩緊拔河,其實係拉住條大蛇呀!唔好問點解啦!

鬥象台係吳哥皇帝欣賞表演競技既地方。

跟住就係一系列既神廟,真係多到都唔記得叫乜喇,其中最出名既『高棉的微笑』即係好多佛像頭既神廟,就叫Bayon 巴戎寺,每個塔頂都刻左一個笑臉佛像,我冇仔細研究過但係就咁睇應該係個個唔同樣既,非常獨特。


之前睇過檸檬個集向世界恤髮,印象最深刻就係其中一座廟被好多大樹包圍住既,原來叫Taprohm Temple 塔普倫寺,聽講係某位吳哥皇為左紀念佢媽媽而建既,而家就被大樹壓住,不過亦因為被大樹包住,先未至於塌晒咋!


哩晚日落我地就揀左上Phnom Bakheng 巴肯山睇,座山唔算高但係行左成日,已經超級攰,即使只係短短25分鐘既路程都好攞命,又晒又熱又攰,仲要繼續行山真係唔講得笑,差D暈低!哩到既日落都ok靚既,太陽一下山,管理員就出泥清場,事關哩到係冇街燈既,唔襯仲有少少餘光快D落山,遲左太黑就麻煩啦!



上一篇:越浦越開心 - 柬浦寨 金邊Phnom Penh
下一篇:越浦越開心 - 柬浦寨 吳哥窟 Angkor Wat II

2009年1月27日星期二

越浦越開心 - 柬浦寨 金邊Phnom Penh

從胡志明市過柬埔寨,最快既方法當然係坐內陸機啦,但係貴呀麻,既然今次時間咁充足,所以揀左個慳錢既方法就係坐大巴,早兩日已經向Sinh cafe買定巴士飛,每人USD 12大約左5-6個鐘頭,其實車程唔係真係咁耐架,主要係過關需要等成個幾鐘囉,車程3個幾鐘到啦!我地坐最早班車即係7點鐘出發,去到金邊大約12點半,一到步第一時間call 旅館派人泥車站接我地,放底行李就立即出發去萬人塚Killing Field即係當年赤柬無理殺害柬埔寨人民既亂葬崗,入場費每人USD 3,請多個導遊俾多USD 5,基本上佢地係睇人開價既,人多又收貴D,不過都講得算有dd感情啦,自己睇真係唔知發生乜事架,因為哩到真係幾空曠,邊圍攔住都係骸骨,導遊隨手執起一兩件就講,樹上又掛住幾件爛衫,又係當年既死難者遺物,哩到仲有一座塔放滿頭骨,可能當日天氣幾好,日光日白又冇乜感覺喎!又或者我比較冷酷無情啦!



由於時間既關事,馬上又要趕去S21監獄博物館 Tuol Sleng Museum,哩到原本係一間學校,其後被赤柬用作監禁異見份子既,裡面既課室全部被改建為囚室,每一間房都有唔同既刑具,圖文併貌咁講述每一種刑具折磨囚犯既方法,加上一幅幅受害人既相片,都幾令人毛骨悚然架,行行下撞到有個團佢地仲請左哩到其中一個生還者泥講述當年受虐經過,聽講入得泥既最終只有七個人可以有命返出去,短短幾年間死向裡面既起碼過萬人。不難想像樓梯牆角囚室地板上面既污跡其實係當年死難者留底既血證,比之前萬人塚感覺更震撼!
哩位老先生是當年生環者,聽講只有8個人能夠行得出哩到咋!


第二日一早我地繼續向金邊閒逛,先係上Wat Phnom 塔山寺因為向酒店行幾分鐘就到,冇乜特別山上只有一座小型寺廟。附近仲有d賣蓮花同祭品既攤檔,民風都幾純樸!




柬埔寨同泰國一樣仍然保留住皇室制度,皇帝雖然冇實權但係叫得皇帝點都要俾間皇宮佢住既,金邊既然係柬埔寨既首都,皇宮當然向哩到啦!西哈努克親王皇宮 Royal Palace USD 6,入皇宮都有d規矩既,事關皇帝一家真係向入面住架!著背心、短褲唔過膝、帶披肩者一律不得內進。



皇宮過一個街口就係柬埔寨國家博物館 National Museum 入場費USD 3,裡面既裝修似resort多過博物館,主要擺放左d佛像之類擺設。




下一篇:越浦越開心 - 柬浦寨 吳哥窟 Angkor Wat I