雲南茶馬古道遊蹤 - 麗江 Lijiang

景點一：虎跳峽

第三日吃過午餐，就出發南下至虎跳峽，位於玉龍雪山和巴哈雪山之間，係世界上落差最大既峽谷，從山頂到水面海拔高達3900米，分上虎跳、中虎跳及下虎跳三段，江中有一巨石傳說有一猛虎借這巨石由玉龍雪山跑到巴哈雪山，故取名為虎跳石。

景點二：玉龍雪山 (中索道 + 牦牛坪)

玉龍雪山位於麗江市郊(入山門票每位$80，學生半票，兼費同時邀付古城建設費$40)，無論你身處麗江市任何戶外地方都必定能看到，非常宏偉，可住大、中、小索道到玉龍雪山各個景點觀賞，但係由於當日係大年初三，人潮太多，去到時大索道門票剛剛賣晒，我地一行人唯有改坐中索道(成人每位$90/來回)。大家原先仲一早買定隻氧氣管($40/大支)就用唔著喇! 落左車仲可以改騎馬遊山不過開價都幾貴大約$200。

(雲杉坪) 白水河)

傳說是納西族殉情的地方。

係人工開發出來既一個景點，扮到好似土耳其綿花堡咁，都幾靚既，不過一諗到係人工做成既就扣晒分喇!

(印象‧麗江)

哩個唔係一個景點，而係一個表演節目，係由名導張藝謀，王潮歌，樊躍等人編排，以玉龍雪山做背景既大型歌舞表演，分為六個部份，1)古道馬幫，2)對酒雪山，3)天上人間，4)打跳組歌，5)鼓舞祭天，6)祈福儀式；門票$190 (76分鐘)係貴不過表演真係幾精彩，拍得住迪士尼獅子皇呀!

景點三：麗江古城 (大研古鎮)

自1997年起被例為世界文化遺產，係由古建築群組成，以納西族為主是歷史上茶馬古道的重鎮，近十年旅遊業發展非常迅速，城內的古樓大多轉為商業用途，包括餐廳、酒吧、茶葉店、Cafe、手信舖、客棧等等，城內大小街道上都係旅客非常熱鬧。不過老實講，我就prefer一個寧靜既古城，好似束河古鎮咁! 好似有FEEL 的囉! 麗江古城太似旺角銀行中心喇!

景點四：白沙壁畫

展覽明清兩朝時麗江木氏土司於廟宇上所繪製的壁畫，可惜有部份於文化大革命時被破壞。(門票$30，學生半票)

景點五：黑龍潭 (玉泉公園)

可於湖上拍得玉龍雪山之倒影，入場費$60，學生半票，但必須出示古城建設費之收據，否則要再邀付!

當地仲有好多婦女穿著民族服飾，哩一套叫披星帶月既裝束，好有特色！



上一篇：雲南茶馬古道遊蹤 - 瀘沽湖

雲南茶馬古道遊蹤 - 瀘沽湖

之前聽過好多人講，瀘沽湖好靚，女兒國摩梭族又好神秘，真係好想去睇睇，要去瀘沽湖一定要從麗江出發，仲要坐成6-7個鐘頭車先去到，認真偏僻，其實都係好事0黎，交通太方便只會加快催殘哩個地方，路面情況比較崎嶇，有大半路面都係石仔路，又多灣位，好彩師機開車唔快，如果唔係都幾驚險，不過記住一定要食暈浪丸呀! 入湖前必經寧浪，所有坐車或行入去既人都要先邀付入場票，成人每位$78，學生$39仲有VCD送。

入到寧浪第一時間食午飯，食完再坐多2個鐘頭車先到小落水，由於之前係網上訂既酒店，團友們都覺得唔多放心，所以師傅就幫我地搵左間當地最新落成既三星級酒店"瀘沽湖賓館"，當然冇住係湖邊既小客棧咁爽啦! 一打開窗就見到個湖，不過換0黎熱水同現代化設施都唔好怨喇!

入湖之前師機帶左我地去一個免費觀景台，可以遠眺整個瀘沽湖，第一次親眼見到個湖既全景真係好impressive，靚到好似幅畫咁! 對我哩個係城市長大又咁少親近大自然既人0黎講，真係覺得好神奇，好似返左去原始時代，靚到好似仙景一樣! 其中一個團友就話，天堂同地獄往往只差一線，講得冇錯，因為入湖之後你就會發現當地生活環境真係幾差，衛生設備非常簡陋，0黎旅行幾日散散心當然冇問題啦! 但係如果長住既話，我自問就冇咁既能耐喇!

瀘沽湖景區範圍其實好大，湖中有好幾個小島，沿湖亦分幾個部份包括小落水，大落水，里格等大村，之前人人都話大落水好商業化，黑店又多，但係如果你唔係咁捱得既話，都係住係大落水既酒店好d，三人房價都只係$280晚，有幾黑店呢? 觀光旅遊飲食一樣可以番去里格等小村莊喎，係咪先!

坐豬槽船泛舟湖上 ($300/包船)

女兒國既美人同埋小帥哥

上一篇：雲南茶馬古道遊蹤 - 香格里拉 Shangri-la
下一篇：雲南茶馬古道遊蹤 - 麗江 Lijiang

雲南茶馬古道遊蹤 - 香格里拉 Shangri-la

第二站 - 香格里拉

我地係昆明只留左一晚，第二朝一早就坐內陸機直飛香格里拉(中甸，又名迪慶)，話時話大陸機埸真係超細，香港站都大過佢啦，又冇航班升降顯示牌，下下靠聽廣播，不過亦有到好，就係同d飛機有極近距離接觸，上機前可以拍照留念! 昆明飛香格里拉只需一小時，全票$800已連稅，一落機大家都好興奮因為成個機埸已經被雪山圍住，勁有瑞士Feel。預先約好既師機大佬和師傅昨晚已經從麗江出發，今朝一早到左香格里拉機埸接我地，今次租既係架10+1座位既Van仔，旺季收費比較貴$700/日，不過和師傅都幾好人又安全，算係咁啦!

景點一：屬都湖

食完午餐和師傳就帶我地去屬都湖，由於積雪既關係，除左白雪同大樹之外，乜都睇唔到! 有點可惜!屬都湖同碧塔海位於同一個公園，所以一次過購票$190包園內環保車接送。聽講夏天既時候四處都開滿花草，好靚喎! 算啦! 今次欣賞完雪景下次再睇埋花景啦!

景點二：碧塔海

睇旅遊書話，碧塔海傳說係毒湖，因為沿湖邊長滿杜鵑花，當花葉落在海面上時被湖中小魚吃左，即刻中毒咁話喎! 不過我地今次又睇唔到喇!

景點三：松贊林寺

屬於藏傳佛教，係雲南省最有規模的佛寺有小布達拉宮之稱，入埸費$30，最特別係寺頂上既金色法器，在陽光影照下特別顥得金光燦爛!

* 後記：去雲南旅行，因為有好多小數民族散居既原故，所以家訪亦變成衍程景點之一，我地去到香格里拉就做左個藏民家訪，由師機哥哥安排既，平日$60年初一貴左收$80，節目就係去左一間屋到，有幾個藏民跳舞唱歌，仲有d好難食既地道食品俾大家品嚐! 最後仲請幾位現場觀眾表演唱歌娛! 激氣! 超無聊!

上一篇：雲南茶馬古道遊蹤 - 昆明 Kunming
下一篇：雲南茶馬古道遊蹤 - 瀘沽湖

雲南茶馬古道遊蹤 - 昆明 Kunming

今年農曆年假只要請3日就可以放足9日，所有又想去旅行，之前成日睇到D雲南旅遊相片咁靚，真係好想快d去睇睇，所以一於襯哩幾日咁得閒，搵腳去雲南先! 今次既伴遊組合都幾新鮮，有識有唔識，一行6個人，經仔細研究過行程同安排之後，終於向16號晚先上深圳集合，17號一大朝早正式出發!

第一站：昆明

其實昆明只係今次行程既轉站位，冇乜期望，最想要遊覽既就只有西山龍門，開講都有話一登龍門聲價十倍，咪又即管睇下有幾勁囉! 原本係網上訂好酒店，不過去到機埸去到酒店代辦處睇睇，發覺都有其他選擇，平d又有車接，所以一於轉酒店，$250/三人房都算幾平啦! 一行6人Check-in完，大家決定先去滇池，因為滇池同西山龍門好近。

景點一：滇池

從酒店打的出發到滇池索道大約$40，滇池好大，湖水亦算清澈，但係其實都冇乜特風景可然，所有於附近既索道餐廳食完飯後，立即坐索道上西山龍門。

景點二：西山龍門

上山除左可以坐索道之外，仲可以坐車，當然想要欣賞到滇池同埋昆明市既全貌，最好都係選坐索道，單程$40，來回$70不過記住3:30pm就收架喇! 上到山其實仲有排行先去到龍門石窟，大約要行成個鐘頭，幸好當日天氣非常清爽，沿路亦可俯瞰昆明市和滇池的風景，咪當去行山囉! 都唔算辛苦既! 進入龍門石窟之前亦須邀付入埸費，每人$30。西山公園係對龍門石窟和三清寺既一個統稱，始建於唐代，經過多個朝代先後做過行宮，佛寺，道觀等，加上地勢險要，值得一遊!

景點三：圓通寺

圓通寺係昆明最古老既佛教寺院，睇旅遊書話哩個時候去會有桃花睇，等我仲鬼咁期待添! 誰不知去到發現原來係流流的一間黃大仙0黎! 激氣! 好彩唔洗俾入場費! 如果唔係仲加搵笨!

景點四：金馬碧雞坊

位於昆明市中心，以金馬山和碧雞山而命名，建於明朝，傳說話每逢60年既秋天時分，兩坊的倒影會重疊一起，不過傳說既野聽完咪算囉!

下一篇：雲南茶馬古道遊蹤 - 香格里拉 Shangri-la