東京小旅行 - 終了

酒店位於上野，不知道甚麼節慶，一早下來就看到遊行隊伍，規模很小，但觀眾也少可以近距離看過夠，不過壯丁的打扮也頗激，搞笑！

之後步行到上野恩賜公園，沒有櫻花和紅葉，這個公園的觀賞性也不高。但出奇地不忍池的水色很藍！

春未時分仍找到一株紅葉，很神耶~

離開公園就到了阿美橫，平貨集中地，街市濕貨到日版NB都有。

大城市總有一個觀景台，Skytree是近年東京的新地標，這個豹紋小吃手信是今期大熱，當然要買啦！

日本好吃的實在太多了，胃就只得一小個，不能多吃，很可惜！每家百貨公司低層都有一個令人回味的食物部，給客人試吃的實在慷慨！

四天三夜的行程很快就要結束了，出機場前先到成田新開業不久的Shisui Premium Outlet，超過十多個名牌，超過市價五折，當然不是當季貨品吧！

臨出機場之前還是要去一趟超市買點吃繼續回味一下。

~ 終章~

上一篇文章：東京小旅行 - 蟹懷石

東京小旅行 - 蟹懷石

從日本人氣飲食網找到一家吃蟹的餐廳，覺得不錯就從網上訂了座，挺方便。這家餐廳名蟹工船，位於日比谷，煮理新派懷石料理，價錢也不算便宜，晚市最便宜的定食也要8000日元，最後決定單點一份最貴的定食，再另加一客蟹炊和一客雜錦刺身。

一客蟹懷石定食賣12,600日元，有10款菜式，當中包了一隻北海道毛蟹，從前菜到味噌湯都以蟹入餚，算是全蟹宴吧。 這家餐廳位於一商廈樓層，裝修很日式，大部份都是廂房，大廳的座位是傳統的塔塔米，地檯升高了，注滿水感覺坐在小木船上，十分雅致。

   

 

前菜小吃蒸蛋這些就不多說了，先講講蟹刺身吧！記得多年前到大阪的蟹道樂吃過一次生的蟹腳壽司，口感軟錦錦的，肉質又幼滑，一吃就喜歡上了。

這客另加的雜錦刺身份量不多，但質數不俗，賣1400日元，我就覺很超值！

整個晚上，這位女將給我們的欣勤招待，十分欣賞。出外用饍食物的味道固然重要，但服務亦是給力的一環，缺一不可。 北海道毛蟹原隻上，大概10兩一隻吧，蒸好的毛蟹放涼後，有專人把蟹身起肉，蟹爪先破開一半，讓客人可以吃得優雅，服務真夠細心。

當造的毛蟹蟹膏也真多，不過論味道還是大閘蟹稍勝。 懷石料理包含多種烹調方法，接著來的是石燒，這個名貴的定食，燒的是山形黑毛和牛，和一小根蟹腳。

味自慢的石燒，蠻有趣的。 吃到這裡嫌還沒夠飽吧，後加了一道蟹炊(蟹煲仔飯)，原煲煮成的蟹飯加入了雜菇，特別鮮味，每人最少吃了兩碗。

是日甜品是蕃茄布丁，酸酸甜甜的，但始終覺得蕃茄還是用來做沙律比較好些。埋單20,000日元，折合每人HK$750，馬上想起上星期到半島今佐吃的那餐飯，收費是五星級酒店價錢，賣的卻是MK質素的日式放題，怎不肉痛！

上一篇文章：東京小旅行 - 築地

下一篇文章：東京小旅行 - 終了

春日櫻紅大會 - 名古屋 Nagoya

離開下呂我地揀坐下呂溫泉直行バス落名古屋車費2100円，必須透過下呂溫泉旅館預約，為免有乜閃失，出發前以電郵搵左酒店幫忙訂位，咁就萬無一失啦！車站向正下呂駅對面，非常方便。當然你亦可以選擇坐JR東海線啦！開往名古屋既路上沿途風景其實都好靚，拍得住嵯峨野小火車一段既景色，粉嫩櫻花翠綠樹林碧綠色既河水山流，相信秋天泥必定會更靚，當然自駕遊就更好啦。

經過差不多兩小時既車程，終於抵達名古屋，沿路已見到滿城櫻花，可惜天公不做美，天陰陰咁，所以決定維持原判，爭取時間買手信！

* Oasis 21 商場

* LACHI 商場賞櫻

*鯨魚肉問你怕未！

向JR名古屋駅落車後，當然先去酒店check-in啦，之前向網上一早訂好Wing’s international hotel 4500円/人，同JR名古屋駅只差一個站，好方便。名古屋既shopping地點都好近，主要向榮商業區，高島屋三越松板屋LACHI戶戶相連，0岩晒我地哩D一天遊掃貨水客，哈哈。其實個人對行街購物向來麻麻，不過都要配合下其他團友既需要啦，雖然今日行程咁緊湊，我都為自己搵左個最後景點就係幫襯哩間『矢場とん』，食番客招牌菜味噌汁炸豬扒，講說係名古屋名物喎，講到咁堅當梗要試下啦，原來名物有時都係靠唔住，同『名代かつくら』實在差太遠，又貴，好在今日唔使排長龍，否則白白浪費保貴既旅遊時光就唔抵啦！

~ 終 ~

上一篇：春日櫻紅大會 - 下呂溫泉 Gero

春日櫻紅大會 - 下呂溫泉 Gero

接住白川鄉下一站我地既目的地，正係日本三大名湯之一既下呂溫泉，從高山濃飛站坐巴士車費只係1010円，不過就要坐成兩個鐘(普通巴士無需預約)，基本上泥下呂除左浸溫泉之外，都冇其他節目，一條下呂大橋貫通兩岸，下呂川落緊既正係從奧飛騨既泉水，河床雖淺但非常清澈，河岸旁竟然仲有一個公眾露天風呂，嘩，使唔使咁open呀！咪以為冇人浸呀，離遠睇真係有兩個大叔天體浴架！

 *留意圍欄~

*下呂大橋沿路印有好多小朋友既手印

日本人除左邊嘗雪邊浸溫泉之外，花見溫泉亦非常人氣，估唔到泥到下呂櫻花已經滿開，雖然沒有藍天，但此行已是大滿足了！

下呂溫泉旅館多的是，睇過菜欄介紹過一泊兩食，今此有機會梗係又要試下啦，經樂天千挑百選，最後揀左哩間小川屋溫泉酒店，今晚唔再住民宿，一於豪少少住番間似樣既酒店先得，小川屋沿河而建仲有露天風呂，晚餐仲有飛騨和牛會席料理，每人12600円/晚，相比其他溫泉旅館哩到算好實惠架喇！

*小川屋

*大堂

*房間

*淨係哩客飛騨和牛壽司，香港賣都要HK$100粒啦！

*飛騨和牛Shabu Shabu

*鹽燒岩魚

*仲有好多餸未齊架！

*咁豐富既晚餐實在太感動喇，齋睇餐牌已經感受到總廚既心思啦！

*下呂哩個地方，景點就真係冇，沿街散步總會遇到免費既足湯同手湯！作為短線遊都係唔錯既選擇！

*偷得浮生半日閒

*好爽哦！

上一篇：春日櫻紅大會 - 白川鄉 Shirakawago

下一篇：春日櫻紅大會 - 名古屋 Nagoya