離開樂蜀下個站就係洪加達，我地又要晨早起床，不過一D都唔清新開朗囉，足足要熬幾點鐘車程先到，沿途只有無盡既礦野同沙漠，不過咁辛苦泥到哩到，唔等於好玩囉，個人認為哩日係全程最無聊既，零行程連食晏都唔包，要自己搞掂，當然一場泥到洪加達，點都要去望下個紅海啦，所以我地就報左旅行團既自費活動USD 40，坐觀光船去紅海玩浮潛，都唔知搞乜間酒店離個紅海鬼咁遠，唔join哩個活動既人就只可向坐車時隔十萬九千里遠先望到個海囉！酒店係就係好大，但係乜都冇！唔去泳池游水就只可以返房瞓覺架咋！金X旅行社你地真係有需要檢討一下囉！
* 離開樂蜀初時，沿途都幾靚有條小河，不過行左冇耐就去到沙漠喇！乜景都冇，最0岩瞓覺！
* 終於泥到紅海，真係好靚呀！不過沙灘泳客唔算多，又冇型男索女！話時話D水真係好鹹架，絕對不能入眼，你睇水上面個戊李浮得幾爽就知D水有幾鹹啦！
* 講番個海真係好靚，肉眼所見一望無際，個海又清沙又幼，海水都有幾種藍色，真係好吸引！當日天氣都唔錯，都唔算太晒，但係海有小浪中浪以及大浪，對我哩個陸地人泥講，真係好險，差D要當眾表演喟魚呀！
* 哩間係洪加達住既酒店，齋睇下型好似好靚，內裡其實好普通，好住家Feel！
沒有留言:
發佈留言