情迷法蘭西 - 普羅旺斯 Pont Du Gard

普羅旺斯 Saint Remy & Les Baux & Pont du Gard

其實向南法只不過係短短幾天日子，但係就好似已經去左好多地方咁，竟然寫左3大版都未寫完，事實上普羅旺斯區又的確有好多好地方。因為出左d意外，原訂一天團被迫改為半天遊€36，要去既地方仍然會去只係時間縮短左，價錢又平左，所以都唔算係壞事既！於是成朝就留向Avignon行行企企打發時間了！今次哩個團同尋日個0個有D唔同，因為係大巴團，話就話係大巴團查實都係得十幾人既0者！好彩唔係去睇花田咋，唔係既話真係唔知影花定影人頭囉！

Saint Remy

哩個地方好偏僻，主要睇下Van Gogh一D畫作既實景，當然面目全非啦！其次就係有個古羅馬遺址，同一個以Van Gogh為主題既地方咁囉！實情都幾無聊！

Les Baux

又係另一座山城，城頂係一座古堡，入場費另計，由於時間關係所以冇入去裡面睇喇！不過齋行個城都幾好睇既，係熱左D囉35c呀！救命！

Pont du Gard

古羅馬影響力真大，歐洲各地都有水道橋既蹤影，記得上次去西班牙Segovia都見過，不過0個個冇水喇，似城牆多D，哩到下面仲有河水流緊！

Local Tour 資料：

local Tour - Provence Reservation 既Office 向Avignon，建議到步後付現金唔使急於網上做預訂，事關日日有團開唔使擔心喎！

上一篇：情迷法蘭西 - 普羅旺斯 Gordes & Roussillon

下一篇：情迷法蘭西 - 馬賽 Marseille