最後要講既就係法國既蔬果，原來都好好食架，價錢又唔貴，士多超市都買得到，好方便。南法水果我既首選肯定係蜜瓜啦，最出名就係南法Cavaillon每年6-8月份盛產既Melon，瓜仔細細味道清甜多汁，每個都係賣€2-3蚊咋，唔食多幾個真係對唔住自己，用泥配意大利 Parma ham 仲 Good啦！搞到我臨上飛機都要向老佛爺超市部夾左兩個偷運番香港慢慢嘆！YEAH！
*哩餐埋單€45.4
第二讚肯定係車厘子，大大粒實的的夠晒甜，最緊要係超值1kg賣€5咋，忍到口都忍唔到手啦！
南法屬於地中海氣候，所以都好適合無花果既生長，煲湯就食得多喇，新鮮既又試過味呢！
原來Summer泥法國可以食到咁多當造平靚正水果喎，士多啤梨都好吸引呀！
今次都行左幾個市集，見到好多好新鮮既蔬菜，好似白露荀、蕃茄仔、雅枝竹啦，可惜今次唔係住dorm，如果唔係就有機會一展身手啦！下次再泥歐洲，除左要行市集之外，仲要安排住番一兩晚有廚房既Dorm先得。
沒有留言:
發佈留言