2009年7月2日星期四

情迷法蘭西 - 馬賽 Marseille

如果想深度遊普羅旺斯既話,其實仲有幾個小鎮值得一遊,不過我地就行夠喇!今日離開Avignon出發去Marseille,坐TGV / ter都得,車程大概一個多小時,馬賽其實係屬於Provence區,但係景色風情就截然不同,哩到好中地海Feel,有人話馬賽係全法國最亂最污嘈既城市,泥到之後發覺此言非虛,都唔明點解竟然會聽個 friend 講,一定要泥哩到囉!難道我真係為左佢講個seafood platter泥既!?

馬賽 Marseille 馬賽
馬賽以漁港著名,Saint Charles 火車站一出好容易就搵到條大馬路Canebière,一直行就可以去到舊港,我地訂既酒店都好近大馬路,所以交通都好方便,不過由於我地坐夜車,去到已經天黑就向哩短短十多分鐘既路程,沿途已感覺治安有點亂。夜遊人要打醒十二分精神!

舊港 Vieux Port
* 從火車站行去舊港大約20分鐘到啦,坐地鐵又得,好方便,每朝都有Fish market向到擺檔,不過規模唔好細,冇乜好睇!發現哩到賣既都係D下價魚,好似石九公咁,唔怪得哩到既馬賽魚湯咁出名啦!但係賣成€58/客就認真誇張喇,有錢都唔飲啦,香港西貢都有鮮味無比既魚湯飲啦,重要係跟餐送架麻,每人$600蚊叫埋瀨尿蝦、鮑魚同膏蟹都唔使咁貴啦!



守護聖母教堂 Basilique de Notre-Dame de la Gard
* 向舊港前有巴士#60去到教堂門口,超方便又係€1.5/位,哩到搭車有到好,就係可以俾你一小時時限,即係一個鐘頭內隨意上車落車喇!個人認為馬賽唯一值得去睇既就係哩個景點,因為可以睇晒整個馬賽港,仲唔收入場費添幾好呀!




隆夏宮 Palais LongChamp
* 去哩個景點可以坐地鐵€1.5向Cinq Avenue站落車,免入場費。從外面睇個公園都幾靚,上到去就聞到有厠所味,同埋d石像又被人塗鴉左,觀賞價值大降!




沒有留言:

發佈留言