胡志明市除左市內觀光之外，仲可以參加當地旅行社去周邊小城鎮玩玩既！Sinh Café 係當地最多背包族幫襯既旅行社，不過亦因為哩間名聲太大，坊間有好多冒牌貨，下次去記得去Pham Ngu Lao 入面個間先好幫襯呀！哩間旅行社真係乜團都有，唔跟團既泥買巴士飛又得，搭車上河內定係坐車過柬埔寨都可以，價錢亦好合理，我地就join左個湄公河一日遊，位位US$12，朝8晚6玩足一天，仲包埋Lunch添！哩個trip真係唔講得笑呀！先係坐大巴去湄公河碼頭，然後再轉坐船仔，仲有導遊沿途講解，之後再帶團友去參觀越南特色美食米紙既生產過程，先坐坐食餐晏，食完再轉坐馬車，去欣賞『越』劇聽下『越』曲，之後再轉坐傳統湄公河既小艇，翔遊湄公河，再去參觀整椰子糖，買手信試食真係應有盡有，不得不佩服佢地，點解可以將一個咁平凡既地方都可以搞得咁精彩，節目咁富豐！厲害厲害！\
哩間Sinh Cafe任何時候都係旺既！
導友話以前湄公河有鱷魚喎，所以D船頭就專登畫左一對大眼睛，用泥嚇走D鱷魚咁話喎！當然而家D鱷魚已經嚇走晒啦！不過就應該唔關船頭對眼事囉，係驚左D垃圾先真！
哩棵原來係海底椰既真身泥架！
越南米紙原來有甜有咸架，甜既有椰子味仲可以烤脆佢當薯片咁食，咸既就用泥包成粉卷咁食啦！
哩條叫象耳魚係越南既特產，似唔似象耳真係唔敢講，味道好唔好亦唔係重點，但係我覺佢成功既原因，係將條魚棟高泥放，所以個個旅客都好記得佢囉！
哩一幕令我諗起一個奇妙既旅程！不過哩到唔會有大笨象出泥噴水，又唔會有鱷魚架囉！
下一篇：越浦越開心 - 越全食 I
沒有留言:
發佈留言