Grasse
南法有好多特色小鎮，好似哩個香水發源地Grasse就係其中一個，前年睇過一套叫香水既電影，故事背景就係以Grasse為主，內容就冇謂多講喇，總知好爛啦！從Nice過泥，可以坐火車或者巴士，同去康城同一方向，所以我地當日揀左坐巴士上午先去康城，下午由康城返Nice途中順路埋泥Grasse，不過從Cannes去Grasse(巴士#600/ #610)係要成個鐘，建議各位有火車証既朋友最好都係坐火車囉，會快好多架！巴士係平1蚊歐羅，但係火車証坐ter都唔使錢啦，又可必坐咁耐巴士呢！
Musee de Fragonard
哩到有間香水公司叫Fragonard，好似冇乜聽過哩個品牌，但係聽哩到d人講，除左哩處有得買佢地自家品牌之外，第2處係搵唔到既，出面大部份既香水都係同佢地攞原貨，再番去自己調配品牌香水，好似Chanel N0.5、Dior都係佢d客仔，聽落又好似幾堅咁喎！佢地仲有個香水博物館，免費入場，正所謂唔買都埋去睇下呀麻。入面唔止有香水樽睇架，仲有古時製造香水既過情都有專人一一講解，每隔半小時就開一轉英語導覽團，都幾有趣呀！當然最後一站就係安排大家親身體驗一下佢地既產品啦！哈哈，竟然自由行都有加插土特產購物時間喎，好彩團友們冇咋形，仲買得好開心添！不過哩到既人話法國唔係所有花都有得出產，當中以玫瑰花、薰衣草品質最好，尢其係哩期最適合買玫瑰花既產品，因為5月係普羅旺斯盛產玫瑰花既季節，而家買就0岩0岩好，我都唔執輸入左貨喇！ 
€41/set
Place aux Aires 芳香廣場
Place du Petit-Puy 小丘廣場
Eze
哩座山城真係好細，我地上午先去Monte Carlo，下午再順道去Eze，又係坐巴士，因為之前睇旅遊書話火車站泥條村好遠要行成粒鐘喎，可能係啦，不過我地坐巴士都唔容易，向Monte Carlo出發坐(巴士#100)大約15分鐘車程中途再轉 #83巴，先上到去Eze Village，車程唔算好耐車費都好平每程1蚊歐羅，不過個人覺得同Grasse比Eze就略為無聊左D，除非你好多閒，如果唔係就不如 skip 啦！
下一篇：情迷法蘭西 - 康城 Cannes
