之後見大阪周遊卡去天滿宮免入場費，就去左一轉攝時間，寺廟本身就冇乜特別，但係裡面既日式庭園就真係幾靚，仲有櫻花睇，人又唔多好正呀！
出左地鐵行左好耐，終於離遠見到大阪城個身映喇，又係老規矩啦，由一百米前影到入去呀麻！諗落都幾無聊囉！哈哈進入大阪城景區前，先係經過日本造幣局，當然冇預約係唔入得去啦，其實我地主要係想去睇造幣局附近臨河既櫻花隧道咋，如果遲多十日八日先泥，等D櫻花再開得盡D一定會更靚囉！
朝住大阪城方去一直行，終於去到門口，憑周遊卡又係免費入場，仲免費搭小火車圍城一遊添！
行完大阪城差唔多五點幾，再轉去下一個免費景點新梅田city空中庭園展望台，0岩0岩又係magic moment時段，可惜當日實在太大風太凍，就算用腳架都好凍囉！
完成今日最後一個景點又係食飯既時候，今日咁人齊就去左茶屋町風風亭食炭火燒肉放題，任食120分鐘，每位2604円，柴娃娃食放題特別開心盡興， CHEERS！
沒有留言:
發佈留言